AZTIn, gizadiak aurre egin beharreko erronka handiei begirako konpromisoa dugu, Nazio Batuen 2030 Garapen Jasangarriko Helburuek ezarritakoaren ildotik.
Horregatik, irtenbide iraunkor eta osasungarriak garatzen ditugu hainbat aplikazio eremutan, eta horien bidez, aurrean ditugun erronkei erantzutea da gure asmoa. Ikerketa eta zientzia gizartearen ongizate komunaren zerbitzura jartzen ditugu.
Klima aldaketak gure planetaren etorkizunari eragiten dion mehatxua dela tarteko, ezinbestekoa da lehenbailehen jardutea, eta klima aldaketari aurre egiteko eta horrek ozeanoan, kostaldean eta itsas baliabideetan eragingo dituen ondorioak errotik desagerrarazteko presako neurriak hartzea. Soilik era horretan lortuko dugu guztiontzako mundu iraunkorrago bat eraikitzea.
Itsas eremuak babestea funtsezkoa da arrantza ustiapena modu eraginkor eta iraunkorrean kudeatzeko, bai eta itsas kutsadura eta ozeanoen azidotzea murrizteko ere. Beraz, guztion erantzukizuna daozeanoak eta hango baliabideak modu iraunkorrean kontserbatzea eta ustiatzea.
Nahiz eta azken urteetan lan eskerga egin den, oraindik ere desorekak daude munduan osasunari eta ongizateari dagokienez. Funtsezkoa da ikertzen eta irtenbideak garatzen jarraitzea, herritar guztiek bizimodu osasuntsua izango dutela bermatzeko, eta, hala, ahalik eta ongizaterik handiena lortzeko.
Aurreikusita dagoen bezala 2050. urtean munduan 9.600 milioi pertsona baldin badaude munduan, oraingo bizimoduari eusteko ia hiru planeta beharko dira. Ingurumenean atzera bueltarik gabeko kalteak eragin nahi ez baditugu, ezinbestekoa da kontsumo eta ekoizpen iraunkorra lantzea; alegia, baliabide naturalak modu eraginkorrean erabiltzea eta elikagai zaborrak nabarmen murriztea.
Gosea eta malnutrizioa dira komunitateen garapen iraunkorrari traba gehien jartzen dizkioten bi faktoreak; bereziki, garapen bidean dauden herrialdeetan. Balantzaren beste aldean, gainpisua eta obesitatea ere izurri orokor bihurtzen hasita daude. Beharrezkoa da munduko elikadura sisteman aldaketak txertatzea, eta, hala, elikadura eskasaren tranpa amaitzea.
Completa el formulario para descargar el archivo
