AZTIk, aurten ere, Innobasquek antolatzen duen FIRST LEGO League Euskadi lehiaketan kolaboratzen du. Hamargarren edizio da aurtengoa eta partehartze markak guztiak hautsi dira

• Aurten Araba, Bizkaia eta Gipuzkoako 44 ikastetxetako 1.500 ikasle parte-hartzaile egongo dira.
• Talde irabazleak Espainiako estatuan egingo diren 31 lehiaketetako onenekin lehiatuko dira, Detroiten 98 herrialdeetako ikasleen nazioarteko finalera joateko aukeraren bila.
• Innobasquek gidatzen eta antolatzen du nazioarteko hezkuntza-programa hau; inplementazio-eredu propioa du gazteen trebetasunak eta gaitasunak hobetzeko zientzian eta teknologian era suspergarri eta dibertigarrian.

(Bilbo, 2018ko abenduaren 14a) AZTIk bigarren urtez ezagutzaren laguntzaile bezala egongo da  FIRST LEGO League Euskadi 2018-2019 denboraldian. Ekitaldia, Berrikuntzaren Euskal Agentziak, Innobasquek, bultzatzen du aurten hamargarren ediziora iritsi dena bi marka hautsita: 44 ikastetxe eta 1.500 ikasle parte-hartzaile EAEko hiru lurraldeetakoak: parte hartzen duten ikastetxeen % 64 Bizkaikoak dira, % 16 Gipuzkoakoak eta % 20 Arabakoak. Honela, aurten ere nabarmenduko da Espainiako estatu osoan egiten diren 31 lehiaketetako handiena izateagatik.

Guztiak lehiatuko dira Euskadiko finalean: datorren otsailaren 16an izango da Gasteizko Europa Jauregian, hurrengo faserako sailkatzeko helburuarekin:Espainiako FIRST LEGO League Final Handia.

FIRST LEGO League nazioarteko hezkuntza-programa bat da, kirol-lehiaketaren formatua duena, zientzia eta teknologiarekiko gazteen interesa piztea bilatzen duena, baita mundu digitaleko gaitasunak garatu eta balioak (aurkikuntza, berrikuntza, inklusioa eta talde-lana) sustatzea ere.FIRST LEGO League mundu osoko 98 herrialdetan izango da eta 500.000 gaztek baino gehiagok parte hartuko dute.

Edizio honetan, INTO ORBIT erronka tematikoari aurre egin behar diote ikasleek, eta espazioan bizitza errazteko soluziobide berritzaileak proposatu beharko dituzte.Horretarako, espazioan urtebetez bizitzea irudikatu edo imajinatu beharko dute, eta han sortu litezkeen arazoak eta premiak konpontzen saiatu:nola elikatu, zelan sasoian egon eta nola konpondu espazio-ontziaren arazo tekniko bat, edo nola entretenitu, Lurrean geratu diren senitartekoekin komunikatu edo han sorturiko zaborra birziklatu.Azken batean, kanpoko espazioan bizirik, osasuntsu eta zoriontsu mantentzen lagundu dezakeen edozein proposamen.

Hamar urte badira euskal haur eta gazteen artean STEAM prestakuntza bultzatzeko ekimen honen buru eta antolatzaile dela Innobasque.Hezkuntza praktikoa, zientzia, teknologia, ingeniaritza eta matematikak biltzen dituena egungo gizarte-erronkak konpontzeko.Ekimen hau STEAM Euskadi Estrategiaren barruan sartzen da, Eusko Jaurlaritzak bultzatua Innobasquerekin lankidetzan.

Laguntzaileak

Innobasqueren laguntzaile izango dira FIRST LEGO League Euskadin Euskaltel Konekta Fundazioa, Eusko Jaurlaritzako Hezkuntza Saila, MONDRAGON Korporazioa, Petronor Innovación/Berrikuntza, Gasteizko Udala, Arabako Foru Aldundia, Bizkaiko Foru Aldundia, Sener eta AZTI.