Elikadura kate eraginkor eta iraunkorra

Produktuari balioa ematea, eta produktuen eta prozesuen eraginkortasuna handitzea, gakoak baitira enpresen lehiakortasunerako

Epe laburrera lehiakortasuna bermatzeko eta epe luzera elikadura katean ekonomia, ingurumen eta gizarte iraunkortasuna bermatzeko soluzioak, produktuak, teknologiak, tresnak eta estrategiak garatu eta sortzen ditugu.

Hauek dira horien guztien helburuak:

• Baliabideak modu eraginkorrean erabiltzea.
• Ekoizpen eraginkortasuna handitzea eta kostuak aurreztea.
• Jatorrian bertan murriztea gutxiagotzeak, bazterkinak, elikagai galerak, elikagai zaborrak, azpiproduktuak, hondakinak eta isurpenak.
• Elikadura produktu, prozesu eta instalazioek euren bizi ziklo osoan zehar izaten dituzten ingurumen eta gizarte inpaktuak ebaluatzea eta murriztea.
• Ekonomia zirkularra txertatzea, gutxi erabilitako baliabideei ahalik eta etekinik handiena aterata.
• Produktuak lehiakideen produktuetatik bereiztea, ingurumen eta gizarte ezaugarri hobeak edukitzeagatik.

Helburu horiek lortzeko, 5 lan ildo ditugu:

Elikadura azpiproduktuen balorizazio ekonomikoa: biofindegia eta bioproduktu berriak

Balio handiagoko konposatuak lortzen ditugu elikadura-azpiproduktuetatik abiatuta, elikaduran edo bioenergia edo biomaterial gisa erabiltzeko.

Merkataritza balioa duten konposatuak edo ekonomia zein ingurumen balio handiagoa duten produktu, konposatu, substantzia edo molekulak lortzeko garapen, estrategia eta prozesuak eskaintzen ditugu, gutxi aprobetxatutako elikagai frakzioen bitartez (soberakinak, galerak edo hondakinak, bazterkinak, azpiproduktuak edo koproduktuak), gizakiaren edo animalien elikadurarako, bioenergietarako edo biomaterialetarako osagai, gehigarri, lehengai edo bitarteko materia gisa erabiltzeko.

Iraunkortasunaren ebaluazioa eta komunikazioa

Soluzioak eta estrategiak garatzen ditugu elikagaien gizarte-, ekonomia- eta ingurumen-hobekuntza integralerako, bizi-ziklo osoan.

Iraunkortasunaren bitartez elikagaiei balioa emateko lan egiten dugu, elikadura produktuak euren bizi ziklo osoan zehar ekonomikoki, eta gizarteari zein ingurumenari dagokienez hobetzeko irtenbide, estrategia eta tresna informatikoak garatuz.

Aurrezpen eta ekoizpen ekoeragingarria

Iraunkortasuna eta ekonomia zirkularra dira, hain zuzen, enpresek epe luzean iraun dezaten egin beharreko bidea.

Enpresen eta horien ekoizpen prozesuen ekoeraginkortasuna handitzeko irtenbideak garatu eta gauzatzen ditugu: hobetzeko plan integralak, soluzio teknologiko berritzaileak, low-cost eragikerak…

Prozesuen hobekuntza ergonomikoa

Aldagai soziala prozesuen hobekuntzan sartzen dugu, hobekuntza ergonomikoaren bidez enpresaren produktibitatea eta lehiakortasuna handitzea lortuz.

Langilearen osasunean eragina izan dezaketen eskuzko prozesuen azterketa eta optimizazio ergonomikoan lan egiten dugu (lehengaiak eta produktuak eskuz sailkatzea, eskuz ontziratzea eta paletizatzea, etab.), laneko jatorri muskulu-eskeletikoak prebenitzeko.

4.0 elikadura katea

Aukeren mundu bat 4.0 elikadura katearen eraginkortasuna, segurtasuna, kalitatea, trazabilitatea eta iraunkortasuna hobetzeko

Ekintza eta soluzio teknologikoak garatzen ditugu elikadura katean 4.0 kontzeptua ezartzen laguntzeko.

Ekintza eta soluzio teknologikoak garatzen ditugu elikadura katean 4.0 kontzeptua ezartzen laguntzeko. Zehazki, hiru lineatan lan egiten dugu:

• Sentsorika aurreratua
• Kalitatearen eta prozesuaren eredu iragarleak
• 4.0 diagnostikoa