• Cichorium, Ekhi Gold, O’Taste eta Ondoegone Laboratoire enpresak Agour Etxea, INTIA eta AZTIren akonpainamendua eta trebakuntza jasotzeko hautatuak izan dira

Agour Etxea enpresa, INTIA  sozietate publikoa eta AZTI zentro teknologikoa buru dituen Inkuba Sarea mugaz gaindiko proiektuak, ekimena osatuko duten elikagaien sektoreko lau enpresa berriak hautatu ditu.  Cichorium, Ekhi Gold, O’Taste eta Ondoegone Laboratoire.

Horiek guztiak gutxienez hiru astez murgilduko dira ekimena bultzatzen duen erakunde bakoitzean, eta ideiak merkatura helarazteko beharrezkoak diren faseetan prestakuntza eta laguntza eskainiko diete. Gainera, sareko kide berri bakoitzak jarraipen eta mentoring pertsonalizatua izango du proiektuaren inkubazio, azelerazio eta nazioartekotze prozesu osoan.

Enpresa sortu berri horientzako azelerazio-programa joan den asteazkenean hasi zen AZTIk Derion dituen instalazioetan. Laster, INTIAren instalazioetan elkartuko dira Villaban (Nafarroa) eta Agourren Héletten (Iparralde), azelerazio-prozesuarekin jarraitzeko.

Konpainia horietako bakoitzak bere marka komertzialak ditu merkatuan, eta hauek dira espezialitateak: endibien ekoizpena, urre-bonboiak, landare-produktuak eraldatzea eta elikagaiak prozesatzea, azukrea edo sodioa murrizteko, hurrenez hurren.

Inkuba Sareak 75.000 euroko diru-laguntza jaso du Eurorregioaren Berrikuntza Proiektuen Deialdiaren esparruan, hiru lurraldeetan ekonomia lehiakor, iraunkor eta integratzailea garatzen laguntzeko, lankidetza-proiektu bultzatzaileak abian jarriz, eragile guztien arteko osagarritasunen eta sinergien aprobetxamenduan oinarrituta.

inkuba_sarea_emrpesas_aceleracion

Hautatutako enpreeei buruz:

CICHORIUM  Tuterako (Nafarroa) enpresa bat da, endibian espezializatua eta Philippe Blanquetek 1998an sortua. Endibia ekologikoen ekoizle ziurtatua da, baina Cichorium-en jarduerak labore horren prozesu guztiak kontrolatzen ditu: urte osoan sustraiak lortzea bai modu ekologikoan, bai ohikoan, baita laborantza horren nazioarteko aholkularitza ere, baita endibiak ekoizteko nazioarteko proiektuak abian jartzen ere. Espainian eta Portugalen baimendutako endibia biologikoa ekoizten duen enpresa bakarra da CICHORIUM.

EKHI GOLD enpresa Beran (Nafarroa) dago, eta urrearekin estalitako moldeko bonboiak sortzen ditu. Bere sortzaileak, Juan Mari Iriarte maisu txokolategile eta gozogileak, dio eguzki-sarrera batean inspiratu zela bonboiak sortzeko (hortik datorkio Ekhi izena, euskaraz eguzkia esan nahi baitu), eta efektu metalikoa duten koloratzaileak erabili nahi ez zituenez, urre purua erabiltzea erabaki zuen txokolatearekin bat egiteko. Ekhi Gold hazi egin da, ezkontzetarako, ekitaldietarako, enpresa-oparietarako edo gourmet dendetarako eskaintza zabaldu baitu. Produktu guztiak patentatuta ditu. Jateko bitxi horiek egiteko, Iriartek nutrizioko, bitxigintzako eta elikagaien segurtasuneko adituen laguntza izan du produktua garatzeko prozesuan, bost urtez merkaturatu aurretik.

O’ TASTE Israelen sortutako startup bat da, eta teknologia patentatu berritzaile bat garatu du. Horri esker, produktuak gozatzen dira, azukre natural puruaren edukia ahalik eta gehien murriztuta, eta produktuak gatzatzen dira, sodio-ekarpen txikia bermatuz. Hori guztia ordezkorik eta produktu kimikorik gabe. Elikagai-industriarako irtenbide berritzaile bikoitz horrekin aurkezten dira, bi negozio-lerroren bidez: O’Sweet eta O’Salt. Basque Culinary Center-ek saritu berri du startup hau.

ONDOEGONE LABORATOIRE Uhart-Mixen (Iparraldean) oinarritutako laborategia da, eta gaur egun bi marka komertzialekin egiten du lan: OndoTerra, estraktuekin eta landareekin egindako produktu naturalak eskaintzen dituen marka, aromaterapia eta phytoterapiaren sektoreen barruan. Eta beste marka bat, Oihana izenekoa, erretzaileentzako landareak balorizatzen dituena eta estankoetan saltzen dena. Enpresa horrek konpromisoa hartzen du lurzoru jasangarrietan ingurumena errespetatzen duten nekazaritza-teknikak erabiltzeko.

Azken berriak

Erlazionatutako berriak